شعر للوطن
اغلى وطن في قللوبنا حبه يزود
نوره علينا مشرق في الليالي
الشعب كله للوطن درع وجنود
نفداه حنا من بنات ورجالي
خير على ارضه عم حاسد ومحسود
غلاه فينا ما وصل كل غالي
الطيب منه وفيه ما زال موجود
ارواحنا نفداه في كل حالي
حنا ورثنا العز من ماضي اجدود
أنا السعودي رايتي رمز الإسلام
وأنا العرب واصل العروبة بلادي
دستوري القرآن قانون ونظام
وسنة النبي الله لنا خير هـادي
امشي على الدنيا وأنا رافع الهام
وافخر على العالم وأنا جني حصادي
إذا تأخر بعضهم رحت قدام
وإذا توارى خايف قمت بادي
إن جيت ساحات الوغى صرت قدام
وإن صرت بلحالي فلا نيب عادي
واظهر على غيري إذا صرت بزحام
عقيد قوم بالطبيعة ريــــادي
انا اهدي هالمقطع للوطن:
ارض الحرم .مهد الكرم.منبع الخير
طهر الظبا.ستر العبي واللثامه
يا قصة الكوثر ويا زمزم البير
ويا موقع اقدام الخليل ومقامه
اغلى ثرى تاطابه الرجل وتسير
واكثر عباد الله ورع واستقامه
ان كبروا هز الفضا صوت تكبير
ولسجودهم في ناصيتهم علامه
طول اللحا لوقارهم زود توقير
وقصر الثياب ابهم جمال ووسامه
اصحاب نهج ودينهم دين تذكير
وآمالهم تبني وطن من عدامه