لعبة الكونج فو الاولى على العالم والاكثر امتاعا (تعلم اساليب الكونج فو المختلفة)

نا بقالي كام يوم بلعب لعبة جديدة وقلت لما اتعلمها شوية أبقى أقول لكم عليها عشان اللي يحب يلعبها معايا
اسمها 9Dragons
يعني 9 تننين
اللعبة بتتكلم عن 9 أبطال 3 منهم أبيض يعني الخير و 3 منهم اسود يعني الشر
وفي نوعين تانين في الأبيض والأسود مش هينفع نختارهم غير لما نوصل لفل 150
اصل اللعبة 268 لفل..
محدش يتخض لأن اللفل بتجيبه بسرعة جداً انا دلوقتي لفل 44 فيها.
اللفل الواحد بتجيبه في ساعة واحدة بس.
اللعبة مبنية على مهارات الكونغ فو فو وطبعاً فيها اسلحة
وأسلحتها اكتر من سيلك روود بكتير
مش هينفع اشرح اللعبة غير لما ألاقي ناس عايز تلعبها ..
انا دلوقتي هحط لكم صور ليها عشان تاخدوا فكرة عنها
الصور دي للشخصية بتعتي اللي بلعب بيها اسمه Bross
شوفوا الصور وحسوا الفرق بنها وبين سيلك لاااااج
دي صورتي وانا لسه لفل 3 شوفوا فرق الجرافيك بنها ومبين سيلك روود
شوفوا البحر عامل هنا ازاي والطبيعة

[ندعوك للتسجيل في المنتدى أو التعريف بنفسك لمعاينة هذه الصورة]


نيجي بقى للجد
الصورة دي كنت انا و 2 بنضرب في حاجة اسمها boss زي الوحوش النادرة كده في سليك روود.
ده زي التيجر جرل كده ..شوفوا الفرق ؟
3 بس بيضربوا فيه مش 1000 واحد زي سيلك روود.
وبعدين مفيش حاجة اسمها واحد موته ويتكتب اسمه والكلام ده.
لأ اللعبة جماعية والكل بيشارك مع بعضوا

[ندعوك للتسجيل في المنتدى أو التعريف بنفسك لمعاينة هذه الصورة]


شوفوا الصورة دي مكتوب كلام باللون الأحمر فوق راسي..
الكلام ده اتكتب بعد ما خلصت كوست معين..
معناه انه بيكلم نفسه
بيقول دلوقتي انا لقيت الكتاب بس مشفر لازم اروح لي فولان واسألة
يعني بيعيشك في جو انها قصة فعلاً مش تقعد تلعب وخلاص


[ندعوك للتسجيل في المنتدى أو التعريف بنفسك لمعاينة هذه الصورة]


الصورة اللي جيه لحاجة اسمها Duel زي ال pvp كده في سيلك روود.
بس الميزة ان مش اي حد ينفع يلاعب اي حد والسلام كده لأ دي ليها ضوابط ومكان معين عشان تلاعبوا بعض
ومفيش حاجة اسمها اضرب واجري لأن اللعب بيكون جوا حلقة ومينفعش حد يجري
والبقاء بيكون للأقوى
زي ما قلت لكم في مدينة معنية بس للديول ومينفعش يتلعب في حتة غيرها
وكمان بتبقى شايف الهيلث بتاع اللي قدامك وانت بتلعب عشان تعرف انهي ضربة ممكن تقضي عليه


[ندعوك للتسجيل في المنتدى أو التعريف بنفسك لمعاينة هذه الصورة]



الصورة دي انا واقف انا واتنين كمان بنعمل حاجة اسمها rest يعني زي شحن كده للطاقة بتعتنا
عشان اللعبة مفهاش حاجة اسمها بوشن خالص
الطريقة الوحيدة اللي تقدر ترجع بيها الطاقة بتعتك هي الرست ده شوفواالجرافيك عامل ازاي


[ندعوك للتسجيل في المنتدى أو التعريف بنفسك لمعاينة هذه الصورة]


الصورة دي بتوضح الأعلان عن حرب جديدة بين الفريق الأبيض والأسود وعلى فكرة الفريق الأسود دول لعيبة زينا عادي بس هما اختاروا الشر
كل فترة اللعبة هي اللي بتنظم الحرب دي وبتكون بوقت مدتة 3 ساعات وبجد روعة
وعلى فكرة انت حر بردوا يعني لو مش عايز تروح مكان الحرب ماتروحش انت حر براحتك.
اي لاعب يقدر يروح عادي حتى لو كان لفل 3


[ندعوك للتسجيل في المنتدى أو التعريف بنفسك لمعاينة هذه الصورة]


الصورة دي للسيف زون بتاع الويت كلان واحنا بنجمع الجيوش عشان ندافع ونهاجم
الموسيقى مع جو اللعبة بيدخلوك في جو حرب بجد


[ندعوك للتسجيل في المنتدى أو التعريف بنفسك لمعاينة هذه الصورة]


الصورة دي في نفس الحرب وانا واقف قدام اتنين من البلاك كلان بنتحدى بعض

[ندعوك للتسجيل في المنتدى أو التعريف بنفسك لمعاينة هذه الصورة]

الديول ده كنت بلاعب واحد نيوكر وكان جامد الصراحة بس على مين

[ندعوك للتسجيل في المنتدى أو التعريف بنفسك لمعاينة هذه الصورة]

انا هختم بالصورة دي اللي فيها حاجة تفطس من الضحك وتبين في نفس الوقت ان اللعبة فيها انصاف شوفوا الأتنين اللي انا معلم عليهم دول ؟
دول وحوش في اللعبة وبيضربوا بعض
لأن اللعبة الوحوش فيها زي قبائل واي وحش من قبيلة غريبة بينضرب ويطلع عينه

[ندعوك للتسجيل في المنتدى أو التعريف بنفسك لمعاينة هذه الصورة]
__________________

و هذا رابط التحميل

[ندعوك للتسجيل في المنتدى أو التعريف بنفسك لمعاينة هذا الرابط]

وهذا رابط التسجيل للعبة
[ندعوك للتسجيل في المنتدى أو التعريف بنفسك لمعاينة هذا الرابط]
وبجد اللعبة رائعة جدا وعلى فكرة انا شخصية ليفل 25 دلوقتى وبقالى يومين العبها وتعلمت منها حركات كونج فو كتير وانا فى Black Clan لان عندهم skilles جامدة جدا